Diseinu prozesuko fase sortzaileena da, eta proiektu bakoitzaren oinarria ere bada. Erabiltzailearen esperientzia eta emozioak espazioan zehar deskribatzen dituen narrazio bisual bat sortzen dugu. . Proiektuaren helburuak zehazten ditugu eta estrategia bat proposatzen dugu, funtzionaltasunari, estetikari eta ekonomiari erantzuna emanez.
Espazioko argi puntu eta zonaldeak adierazten ditugu, bakoitzari bere funtzioa eta efektua emanez. Argiztapen-eremu desberdinak jasotzen dituzten mapa bisualak garatzen ditugu non hierarkia bisualak azaltzen ditugun; espazioa modu argian ulertzeko eta bertan barrena gidatzeko.
Fase honetan, aurretik planteatutako kontzeptua nola gauzatuko dugun zehazten dugu. Plano orokorrak garatzen ditugu soluzio posibleak azalduz; ikuspegi arkitektoniko eta dekoratiboak landuz. . Aurrekontuaren baitan kokatzen den gutxi gora beherako balorazio bat egiten dugu.
Diseinu-prozesuko azken etapa da, eta proiektua obran gauzatzeko beharrezko dokumentazio teknikoa lantzen dugu bertan. Planoak, sekzioak, eraikuntza-xehetasunak, maketak, argi probak, luminaria-espezifikazioak, argi-kalkuluak eta pizte-eskemak garatzen ditugu.
Obran bisita erregularrak egiten ditugu, instalazio-taldeari dokumentazio teknikoarekin laguntza emanez. Obra argiztapen-proiektuan definitutako jarraibideen arabera gauzatzen dela ziurtatzen dugu. Fabrikatzaile eta hornitzaileen kontsultak eta ustekabeak ere kudeatzen ditugu. Fase hau luminariak orientatuz eta programazioa doituz amaitzen dugu.
